ඇමෙරිකාවේදී ශ්‍රී ලංකාවට රන් පදක්කමක්..

මෙරට උස පැනීමේ ශුර උෂාන් තිවංක ‘Lonn Star Conference Outdoor Championship’ නම් ඇමෙරිකානු විශ්වවිද්‍යාලයීය තරගාවලියක දී රන් පදක්කමක් දිනා ගැනීමට සමත් වී තිබේ.

ඒ අද (07) පෙරවරුවේ පැවැති උස පැනීමේ ඉසව්වෙන් මීටර් 2.20ක දක්ෂතාවයක් පෙන්නුම් කරමින් තරගයේ ප්‍රථම ස්ථානයට පත්වෙමින් ය.

මීටර් 2.11ක දක්ෂතාවයක් පෙන්නුම් කළ Justin Lewis සහ මීටර් 2.08 දක්ෂතාවයක් පෙන්නුම් කළ Dakari Hill යන තරගකරුවන්ට පිළිවෙලින් තරගයේ දෙවන හා තෙවන ස්ථාන හිමි වී තිබේ.
ශ්‍රී ලංකාව නියෝජනය කරමින් සෙනිරු අමරසිංහත් මෙම තරග ඉසව්වට සහභාගි වුවත් ඔහුට පෙන්නුම් කිරීමට හැකි වුයේ මීටර් 2.00 දක්ෂතාවයක් පමණි. ඔහුට තරගයේ පස්වෙනි ස්ථානය හිමි විය.

මීට පෙර ද උෂාන් ඇමෙරිකානු විශ්වවිද්‍යාල තරගාවලි කිහිපයකට ම සහභාගි වී ඉහළ දක්ෂතා පෙන්වීමට සමත් වී ඇත. එමෙන් ම පසුගිය වසරේදී උස පැනීමේ ඉසව්වේ ජාතික හා ආසියානු වාර්තාව බිඳ දැමීමට ද ඔහුට හැකි වී තිබේ. ඒ මීටර් 2.30ක දක්ෂතාවයක් පෙන්නුම් කරමිනි.
උෂාන් ලබා ඇති ජයග්‍රහණයන් හේතුවෙන් ම ඔහු මේ වසරේදී පැවැත්වීමට නියමිත පොදු රාජ්‍ය මණ්ඩලීය ක්‍රීඩා උළෙලේ දී ශ්‍රී ලංකාව නියෝජනය කරමින් තරග බිමට අවතීර්ණ වීමට සුදුසුකම් ලබා ඇත.

(Visited 115 times, 2 visits today)

You Might Be Interested In

LEAVE YOUR COMMENT

Your email address will not be published.