ආසියානු කුසලාන සත්කාරකත්වය අහිමි වුණොත් ශ්‍රී ලංකාවට ඩොලර් මිලියන 5 ඉක්මවූ පාඩුවක් !!!

2022 ආසියානු කුසලාන පන්දුවාර විස්සයි-විස්ස ක්‍රිකට් තරගාවලියේ සත්කාරකත්වය ශ්‍රී ලංකාවට හිමි වන බව පසුගිය දිනක ආසියානු ක්‍රිකට් කවුන්සිලය විසින් නිවේදනය කරන ලදී.

කෙසේ නමුත් ශ්‍රී ලංකාවේ පවතින දේශපාලන අස්ථාවරත්වය නිසා 2022 අගෝස්තු මස 27 වන දා සිට සැප්තැම්බර් මස 11වන දා දක්වා පැවැත්වීමට නියමිත එම ක්‍රිකට් තරගාවලියේ සත්කාරකත්වය ශ්‍රී ලංකාවෙන් ගිලිහී යාමට වැඩි අවදානමක් තිබේ. යම්හෙයකින් සත්කාරකත්වය ශ්‍රී ලංකාවට අහිමි වුවහොත් මෙරටට සිදු වන පාඩුව ඩොලර් මිලියන පහකට (05) වැඩි බව වාර්තා වේ.

ශ්‍රී ලංකාවට ආසියානු කුසලානයේ සත්කාරකත්වය ලබා දෙන බව නිල වශයෙන් නිවේදනය කර තිබුණත්,
ශ්‍රී ලංකාවේ පවතින දේශපාලන අස්ථාවරභාවය මධ්‍යයේ ආසියානු කුසලාන තරගාවලියේ සත්කාරකත්වය දැරීමට ශ්‍රී ලංකාවට හැකියාවක් තිබේදැයි නැවත සොයා බලන බව ආසියානු ක්‍රිකට් කවුන්සිලය නිවේදනය කොට තිබේ. එම කවුන්සිලයේ සභාපති ජේ ෂා මහතා ප්‍රකාශ කර ඇත්තේ මේ දිනවලදී පැවැත්වෙන අයි.පී.එල් ක්‍රිකට් තරගාවලිය අවසන් වූ පසු ශ්‍රී ලංකා ක්‍රිකට් බලධාරීන් සමග මේ සම්බන්ධව වැඩිදුරටත් සාකච්ඡා කිරීමට නියමිත බවයි.

වසර හතරකට (04) පසුව ශ්‍රී ලංකාවට හිමිවීමට නියමිත ආසියානු කුසලාන ක්‍රිකට් තරගාවලියේ සත්කාරකත්වය අහිමි වුණොත් එය මෙරට ආර්ථික අස්තාවරභාවය තීව්‍ර වීමට හේතුවක් ද විය හැකි බව වාර්තා වේ.

(Visited 75 times, 1 visits today)

You Might Be Interested In

LEAVE YOUR COMMENT

Your email address will not be published.